Хятад дахь Тесла автомашин эзэмшигчид энэ брэндийн машины үнийг огцом бууруулсныг эсэргүүцэн жагссан талаар SCMP сонин мэдээлжээ.

Эх сурвалжийн мэдээлснээр, өмнө нь машиныг өндөр үнээр худалдан авсан олон зуун үйлчлүүлэгч Чэндү, Шанхай, Шэнжэнь болон бусад хотууд дахь Теслагийн үзэсгэлэнгийн танхимын гадна цугларч, мөнгийг нь эргүүлэн өгөхийг шаардсан байна.

Тесла компани нэгдүгээр сарын зургааны өдөр Хятадад борлуулагдах машинуудынхаа үнийг бууруулсан нь сүүлийн гурван сарын хугацаанд авч хэрэгжүүлсэн энэ төрлийн хоёр дахь алхам юм. Үнийг есдүгээр сарын борлуулалтын үнээс 13-204 хувиар бууруулсан нь үйлчлүүлэгчдийн дургүйцлийг төрүүлсэн аж.

Тесла компанийн төлөөлөгч мэдэгдэл хийхдээ компани үйлчлүүлэгчдэд нөхөн төлбөр төлөхгүй хэмээсэн ч эсэргүүцэгчдээс шаардлагынх нь жагсаалтыг авсан бөгөөд нэгдүгээр сарын 10-наас өмнө хариу өгнөхөөр амласан байна.

Г.Бямбасүрэн