ХХААХҮ-ийн сайд Х.Болорчулуун нь нийтийн хөрөнгийг үлэмж ихээр идэж шамшигдуулсан тухай есөн үндэслэл бүхий өргөдөл, баримт бичгийг АТГ-т шалгуулахаар өглөө. 

АТГ-т хандаж буй иргэний зүгээс "Олон нийтэд цацагдсан ч хуулийн байгууллагаар шалгагдаж байгаа эсэх нь тодорхойгүй байгаа Х.Болорчулуунтай холбоотой баримтуудыг цуглуулаад АТГ-т хүргүүлж байна.  ХХААХҮ-ийн сайд Х.Болорчулуун нь Дорнод аймгийн Дорнод бүсийн эрчим хүчний станцтай салшгүй холбоотой. Тус станцын дарга Отгонбаатар гэх хүн  Х.Болорчулуун сайдтай худ ургийн хамааралтай. 2018 оноос хойш 18 тендерийг хамаарал бүхий хүмүүсээр дамжуулан авсан байна. 

Х.Болорчулуун сайд нь өөрийн төрсөн дүүгээ Эрдэнэс Тавантолгой ХК-ийн ТУЗ-д багтаасан нь нүүрсний хулгайн хэрэгтэй холбоотой байх магадлалтай. Х.Болорчулуун сайд нь гурилын үйлдвэртэй. Энэ нь ашиг сонирхлын зөрчил гэж үзэж байна" гэлээ.