Бразилд оны өмнөхөн Ерөнхийлөгчийн сонгууль болж, энэ сонгуульд Ерөнхийлөгч асан Жаир Болсонару ялагдсан юм. Харин түүнийг дэмжигчид нэгдүгээр сарын наймны өдөр үймээн дэгдээж, Конгресс, хэд хэдэн яам, Дээд шүүхийн барилга болон Ерөнхийлөгчийн албан ёсны ордон руу халджээ. 

Эсэргүүцэгчид барилга дотор эмх замбараагүй байдал дэгдээсэн байна. Эсэргүүцэгчдийг тараахын тулд цагдаагийнхан тусгай хэрэгсэл ашиглаж, улмаас эсэргүүцэгчид болон хууль сахиулагчдын хооронд мөргөлдөөн гарчээ. 

Улмаар Бразилын нийслэлд эмх замбараагүй байдалд оролцсон хэргээр 200 хүнийг цагдаагийнхан баривчилсан байна.  O Globo сонины мэдээлснээр, эсэргүүцэгчдэд эзлэгдээд байсан төрийн байгууллагуудын барилгуудыг цагдаагийнхан бүрэн чөлөөлжээ. 

Баривчлагдсан хүмүүст 12 хүртэлх жилийн ял оноож болзошгүй аж. Бразилын нийслэл дэх төрийн эрх барих байгууллагуудын барилга руу халдсан нь төлөвлөгөөт ажил байсан гэж хууль сахиулагчид үзэж байгаа юм байна.

Тус улсын Ерөнхийлөгч Луис Инасиу Лула да Силва нийслэл рүү буцаж байгаа бөгөөд эсэргүүцэгчдэд эзлэгдэж байсан барилгуудад очин ажиллах гэнэ. 

Г.Бямбасүрэн