Ерөнхий сайд Л.Оюун-Эрдэнэ өчигдөр сайд нарыг тангараг өргөх үеэр "Нүүрсний дараа Засгийн газар төмөр замын компаниудад анхаарал хандуулна. Тээвэр логистик, төмөр замтай холбоотой дарга нарт "болгоомжтой байгаарай, тун удахгүй дараагийн дэлбэрэлт энэ салбарт болж магадгүй шүү" хэмээн мэдэгдсэн. 

Чуулганы индэр дээрээс хэлсэн түүний үг нийтэд хүрэхтэй зэрэгцэн хууль хяналтын байгууллагаас УБТЗ-ын эрх бүхий албан тушаалтнуудын гэр нэгжлэг хийсэн талаар эх сурвалжууд мэдээлж байна. 

Тус мэдээлэлд "УБТЗ-ын эрх бүх албан тушаалтны гэр болон хамаарал бүхий этгээдийн гэрт нэгжлэг хийх үеэр 7.3 тэрбум төгрөг бэлнээр олдсон" гэжээ. Энэ талаар Цагдаагийн байгууллагаас тодруулахад "Тодорхой мэдээллийг удахгүй хүргэнэ" гэлээ. 

П.ГОО