Эль Чапо хочит, алдарт хар тамхины бүлэглэлийн толгойлогч Хоакин Гусманы хүү Овидио Гусманыг баривчилсан талаар Мексикийн эрх баригчид мэдэгджээ. 

Түүнийг Кулиакан хотоос баривчилсан бөгөөд Овидио энэ хотод зэрлэг балмад үйлдэл гаргаж, мөргөлдөөн үүсгэсэн гэж эрх баригчид мэдэгдсэн байна. Овидио өмнө нь 2019 оны 10 дугаар сард баривчлагдаж байсан ч цус асгаруулсан явдал гарахаас сэргийлж Ерөнхийлөгчийн зарлигаар түүнийг суллаж байжээ. 

АНУ-ын Төрийн департаментын мэдэгдсэнээр, Овидио болон түүний ах сард хоёр тонн гаруй хар тамхи үйлдвэрлэдээг 11 лабораторитай аж. Тэдний эцэг АНУ-д хоригдож байгаа бөгөөд түүнийг хар тамхины хууль бус наймаа, зэвсгийн наймаа болон мөнгө угаах хэрэгт буруутай гэж үзэн 2019 онд бүх насаар нь хорих ял оноосон юм. 

Г.Бямбасүрэн