Донецк мужийн Макеевкад энэ сарын 1-нд Украины талаас "HIMARS" системээр цохилт өгсний улмаас амиа алдсан орос цэргүүдийн тоо 89 болсон байна. 

Оросын цэргийн албан хаагчид байрлаж байсан барилга руу өндөр хүчин чадалтай дөрвөн пуужин туссан байна. Амиа алдсан цэргийнхэн дотор цэргийн дарга, командлагч нар ч байжээ.

Уг пуужингийн цохилтод 300 орчим цэрэг шархадсан бөгөөд амиа алдсан, шархадсан цэргүүдийн ар гэрт шаардлагатай тусламжийг үзүүлж байгаа аж.

Өчигдөр Макеевкад шархадсан 70-80 орчим цэргийн албан хаагчийг ойрын 24 цагийн дотор Самарагийн эмнэлэгт хүргэж,  тусламж эмчилгээ болсон байна. 

Түүнчлэн цаашид нарийн мэргэжлийн эмчилгээ хийлгэх шаардлагатай цэргийн албан хаагчдыг тус улсын шилдэг эмнэлгүүд, болон цаашлдаад Москва руу явуулна хэмээн тус мужийн захирагч Дмитрий Азаров Ростов-на-Дону мэдэгдсэн юм.