АНУ-ын Хүнсний бүтээгдэхүүн, эм бэлдмэлийн чанарын асуудал эрхэлсэн газар шинэ журам гаргаснаар үр хөндөлтийн эм бэлдмэлийн хүртээмжийг нэмэгдүүлжээ. Энэ талаар Ройтерс агентлаг мэдээлсэн байна. 

Эх сурвалжийн мэдээлснээр, АНУ-ын хэд хэдэн худалдааны сүлжээ дэлгүүрүүдэд байх эмийн сангууд шинэ журмын дагуу үр хөндөлтийн эмийг худалдах боломжтой болсон гэнэ. Ингэснээр хүсээгүй жирэмслэлтийг эмийн аргаар таслан зогсоох хүртээмж нэмэгдэнэ гэж шинжээчид үзэж байгаа аж. 

Шинэ журмын дагуу мифепристоне гэх эмийг сүлжээ дэлгүүрүүдийн эмийн сангуудаар зарах боломжтой болсон бөгөөд саяхныг хүртэл энэ эмийг гагцхүү тусгай зөвшөөрөлтэй эмч, эмнэлэг л олгодог байсан гэнэ. Гэхдээ эмийн сангуудаар чөлөөтэй худалдах хэдий ч энэ эмийг авах хүсэлтэй хүн зөвшөөрөлтэй эмнэлгийн ажилтнаас жор аван үйлчлүүлэх ёстой аж. 

Г.Бямбасүрэн