Хятадын мужуудад эмнэлгүүдийн шинэ жилийн амралтыг цуцалжээ. Хятадын олон хотод байх эрүүл мэндийн байгууллагууд шинэ жилийн баярын үеэр илүү цагаар ажиллаж, коронавирусийн халдвартай тэмцэж байгаа талаар Global Times сонин мэдээлсэн байна. 

Эх сурвалжийн мэдээлснээр, Хэбэй мужийн Циньхуандао эмнэлгийн ажилтнуудын шинэ жилийн амралтыг цуцалсан талаар тус эмнэлгийн WeChat аккаунт дээр мэдээлсэн байна. Ийм арга хэмжээг Шаньси, Хэбэй, Хунань, Жянсу, Шэньси, Хэйлунжян мужуудын эмнэлгүүдэд ч авч хэрэгжүүлжээ. 

Шинэ жилийн өдрүүдэд коронавирусийн халдварын оргил үе Бээжин, Шанхай, Гуанжоу хотуудад тохионо гэсэн тооцоолол гарсан тул ийнхүү хүч нэмэгдүүлэн ажиллахаар болсон гэнэ. Цаашлаад орон нутаг, жижиг хотуудад өвчлөлийн тоо нэмэгдэнэ гэж шинжээчид үзэж байгаа аж. Цаашлаад, нэгдүгээр сарын 20-нд Хятадад хаврын баяр буюу Хятад цагаан сарыг тэмдэглэх үеэр халдвар оргилдоо хүрнэ гэж тооцоолжээ.

Г.Бямбасүрэн