Чечений тэргүүн Рамзан Кадыров оны эцсийн дүнгээрх хэвлэлийн бага хурлын үеэр Оросын Ерөнхийлөгчийн сонгуульд нэрээ дэвшүүлэх эрхтэй, гэхдээ хэзээ ч ийм алхам хийхгүй хэмээн мэдэгджээ.
"Би Оросын иргэн, тиймээс ийм эрхтэй. Бусад нь болдог, чеченьчүүд болдоггүй юм уу? Болно шүү дээ. Гэхдээ би хэзээ ч ийм зүйл хийхгүй" хэмээн Кадыров мэдэгджээ. Түүний өгүүлснээр, Владимир Путин шиг удирдагчийн дараа улс орныг удирдана гэдэг тун хүнд байх гэнэ.
Энд дуулгахад, Орос, Украины дайн эхэлснээс хойш Чеченийн тэргүүн Рамзан Кадыров дайныг хэт дэмжсэн байр суурьтай байгаа юм. Тэрбээр дайн эхэлсний эхний өдрөөс л фронт дахь нөхцөл байдлын талаар байнга мэдээлж, Чечений цэргийн алба хаагчдын гэрэл зургуудыг олон нийтийн сүлжээнд оруулах болсон.
Г.Бямбасүрэн
| Уншиж байна |