Монголын хип хоп урсгалыг дэлгэрүүлэгч реппер Big Gee нэрээрээ алдаршсан Т.Мөнх-Эрдэнэ БНСУ-ын алдарт репперүүдтэй хамтарч "Yaasan" хэмээх дууг тун удахгүй үзэгчдэдээ хүргэх гэж байна.  

"Yaasan" бүтээлд нийтдээ Big Gee-ээс гадна  дөрвөн Солонгос реппер хамтарч байгаа билээ. Үүнд: 

Koonta 

Rude Paper-ийн гишүүн, дуучин, регги уран бүтээлч. 2017 онд Blackbook Muzik-ийн доор дебютээ хийж, 2020 онд "82" нэртэй цомгоо гаргаж байв.

SKULL

Skull нэрээрээ олонд танигдсан реппер Сун-жин нь Stony Skunk болон Skull & Haha-ийн гишүүн, регги хөгжмийн маш том төлөөлөл. "Love Inside" дуу нь маш их амжилт үзүүлж, Ямайка улсад хүртэл маш алдартай болсон юм. 

Maniac

Maniac нэрээрээ алдартай реппер Майкл Хортон 2009 онд UPT хип хоп группийн гишүүнээр дебют хийсэн. 2016 онд K.O Like Tyson дуугаараа соло уран бүтээлээ гараагаа эхлүүлсэн байна.

Кван-Иль

Реппер, дуу зохиогч Кван-Иль 26 настай. 2019 онд "Grow Back" дуугаараа дебют хийсэн. 2020 онд "Acrobat" дуу нь хит болж, 2021 онд Show Me the Money 10 реп дууны телевизийн шоу тэмцээний ялагчаар тодорч, хамгийн алдартай залуу репперээр нэрлэгдэж байжээ. 

Монголын дуу хөгжмийн ертөнцөд маш сонирхолтой, хүчирхэг  хамтрал болно хэмээн үзэгч фэнүүдийнх хувьд маш их хүлээлт үүсгээд байгаа билээ. Тус уран бүтээл нь 12 дугаар сарын 29-ны 17:00 цагт цацагдах аж.