УИХ-ын гишүүн О.Цогтгэрэл Ерөнхий сайд Л.Оюун-Эрдэнэд асуулга тавьжээ. Тэрбээр Эрдэнэт үйлдвэрийн сүүлийн зургаан жилийн борлуулалт, оффтейк, бартерийн гэрээний үнэ төлбөр, гэрээлэгчдийн мэдээллийг танилцуулахыг хүсчээ. Мөн үйлдвэрийн борлуулалт, тээвэрлэлт, энэ үйл ажиллагаанд оролцогчдын талаар мэдээлэл авахыг хүссэн байна.

Асуулгынхаа талаар УИХ-ын гишүүн О.Цогтгэрэл "Нүүрсний хулгайгаас ч том байж мэдэх зэсийн асуудлыг ил тод болгоё. Эрдэнэс Тавантолгойгоос ч том, урт удаан түүхтэй, илүү хаалттай Эрдэнэт үйлдвэрийн бүх гэрээ, санхүү, үйл ажиллагааг ил тод болгож нягталцгаая, асуудлыг УИХ-ын чуулганы танхимд хэлэлцье" хэмээн бичжээ.