УИХ-ын чуулганы өнөөдрийн хуралдааны үеэр Ш.Раднаасэд гишүүн ноцтой баримт хөндлөө.

Тэрбээр "Монголын нүүрсний экспортын 32 хувийг Эрдэнэс тавантолгой гаргаж байна. Сүүлийн гурван жилийн хугацаанд 61 удаа сонгон шалгаруулалт хийж, 108 компанитай гэрээ байгуулжээ. Энэ давхарсан гэрээний асуудлыг цэгцлэхгүй бол худалдан авалтад оролцдог Хятад, Монгол зуучлагчид “Чингисхаан“ банкийг авахаар  Монголбанкинд мөнгө байршуулаад явж байна гэх юм. 100 сая долларын өртэй банк шүү дээ. Тавантолгой, нийгмийн даатгал, эрүүл мэндийн даатгал, Хөгжлийн банкны мөнгө байгаа. Гэтэл нүүрсний зуучлагчид банк руу орох нь байна. Эдийн засгийн амин судсан дээр зогсож байна " гэх мэдэгдлийг хийсэн юм.