Нүүрсний хулгайд холбогдсон МАН-ын таван гишүүн АТГ-ын үүдэнд мэдээлэл хийлээ. 

Энэ үеэр Ц.Анандбазар: Сайн юм боллоо. Нүүрсний хулгай удаан үргэлжлэх байх. Монголын ард түмэн ядуу байхад ийм том хулгай байж болохгүй. Ядарсан ард түмний ипотекийн зээлийг нүүрсний хулгайн мөнгийг олж аваад төлүүлнэ.  Бид ард түмэнтэйгээ хамтарч тэмцээд нүүрсний хулгайчдыг бүгдийг нь илрүүлнэ. Би бурханы шашинтай хүн. Хулгайг үзэн яддаг. Нүүрс сонирхдоггүй. Нүүрсний хулгайг илрүүлэх бүлэг байгуулна. Бид бууж өгөхгүй. Унтаж байгаа баавгайг сэрээсэн хулгайч нар гомдох цаг ирнэ. Унтаж байгаа баавгайг сэрээх нь үүрээ эвдүүлэх аюултай. Бид хулгай хийдэг хүмүүс биш.  Ер нь Булганы улс төрчдийг санаатай харлуулж байна. Нэр төрөө сэргээлгэнэ. УИХ-д хамгийн цэвэрхэн байж болох ТАВАН гишүүнийг нэрлэлээ. 

УИХ-ын гишүүн Сэргэлэн: Би нэр төрөө сэргээлгэхээр шүүхэд хандана. 2016 оны сонгуулиас хойш би ажилгүй явсан. Энэ хугацаанд байгалийн хий, газрын тосны хайгуулын үйл ажиллагаа явуулж байсан компани учраас нүүрстэй ямар ч холбоогүй. Би ямар хэргээр ямар шалтгаанаар шалгагдаж байгаагаа мэдэхээр ирээд байна. 

П.ГОО