АТГ-аас нэр бүхий 17 албан тушаалтнууд шууд болон шууд бусаар нүүрсний олборлолт, борлуулалт, тээвэрлэлт, төрийн өмчийн хөрөнгөөр бараа үйлчилгээ худалдан авахад оролцсон. Тэгвэл энэхүү 17 хүнд нэр дурьдагдсан МАН-ын таван гишүүн АТГ-ын үүдэнд мэдээлэл хийнэ. Гишүүдийн зүгээс "Бид ямар хэрэг хийсэн гэдгээ асуухаар АТГ-т ирээд байна. Б.Ганхуяг гэдэг хүнтэй уулзаж байгаагүй. Тэрний мэдүүлгээр бидний нэрс зарлагдсан гэх. Гудамжны жагсаалыг дарахыг тулд нэр дурьдагдсан байна. Бид ямар ч асуудалгүй. Учрыг нь ойлгохгүй байна" гэлээ.

УИХ-ын гишүүн Ш.Раднаасэд: Биднээс эхлээд "Тийм юм байна уу" гээд асуух хэрэгтэй. Би Б.Ганхуяг гэдэг хүнийг танихгүй. Тэр чинь Т.Аюурсайханы л хүн. Т.Аюурсайханы туслахууд бүгд хоригдсон байгаа:

УИХ-ын гишүүн Б.Баттөмөр: Авлигын тухай, далд эдийн засгийн тухай би ярьсаар ирсэн. Монгол Улсын эдийн засагтай тэнцэх хэмжээний далд эдийн засаг урд байна. Хулгай нүүрэлсэн Эрдэнэс Тавантолгой компани хаана байдгийг би мэдэхгүй Б.Ганхуягийг би мэдэхгүй. Жинхэнэ эздийг олооч гэж хэлмээр. Хүний нэр төрд халдсан бол "Та үүнд холбоотой юу" гэж асуух хэрэгтэй. Өмнөговьд миний нэр дээр байдаг хоёр гурван ШТС бий. Би бүрэн эрхээсээ татгалзаад шалгуулах хэрэгтэй. 

УИХ-ын гишүүн Наранбаатар: Би Өмнөговь аймгийн Засаг даргаар ажиллаж байсан учраас холбоотой гэж оруулсан байх. Би нүүрсний хянан шалгах түр хорооны гишүүн. Холбогдсон зүйл байхгүй.

П.ГОО