АТГ-аас нүүрсний хэрэгт холбогдсон улстөрчдийн нэрийг зарласантай холбогдуулан АН-аас мэдээлэл хийлээ. АН-ын Ерөнхий нарийн бичгийн дарга И.Мөнхжаргал "АТГ-ын дарга Дашдаваа танд гүн эмгэнэл илэрхийлье. Та АТГ-ыг ард түмний өмнө оршуулж байна. Та өнөөдөр коммунист намын үзэл суртлын зэвсэг болж хувирлаа. 

Нүүрсний хэрэгтэй холбоотой гэж зарласан 17 хүний нэрийг хараад Л.Оюун-Эрдэнэ, Х.Нямбаатар та хоёрт үнэхээр харамсаж байна. Шинэ үеийн зориг, зүрхтэй тэмцэгч улстөрчид гэж харж байсан бол өнөөдөр та хоёрыг ах нарынхаа шантаажнаас гараагүй утсан хүүхэлдэй, бацаанууд гэдгийг олж харлаа. 

2016 оноос хойш гудамжинд байгаа АН яагаад нүүрсний хулгайч болчихов.

Гадаадад тэрбум тэрбумаар нь обьект худалдаж авч байгаа С.Батболд гэдэг хулгайч чинь хаана байна вэ?

Ард түмний өмч болсон Хотгор шанагын уурхайг 10 сая ам.доллараар зарж идсэн Ч.Хүрэлбаатар чинь хаана байна вэ?

Гэмгүй царайлж, нүүрээ нуусан П.Анужин чинь хаана байна вэ?

Цаашид АН нүүрсний хулгайтай хатуу тэмцэнэ. Гэхдээ хулгайч нар өөрсдөө хэн нэгнийг хэлмэгдүүлж, хулгайч гэж цоллохтой эвлэрэхгүй" гэсэн байр суурийг илэрхийллээ.