Хөгжлийн банкны нийт зээлийн 55 хувь нь буюу 1,7 их наяд төгрөгийн чанаргүй актив үүсээд байна. Үүнтэй холбогдуулан 17 зээлдэгчийн 86 хүний прокуророос яллагдагчаар татаад байгаа аж. 

Үүний нэг нь "Эрэл" компанийн захирал Б.Эрдэнэбат. Тус компани нь Хөгжлийн банкнаас 3 удаагийн нийт 72.6 тэрбум төгрөгийн зээл авсан ч эргэн төлөлт огт хийгээгүй. Зээл анх олгогдсон өдрөөс хойш хүү, алданги тооцогдсон эцсийн үлдэгдэл  өнөөдрийн байдлаар нийт 198 тэрбум төгрөг болжээ.

Б.Эрдэнэбатад холбогдох хэргийн үүх хурал өнөөдрийн байдлаар 18 удаа хойшилсон байна. Гэвч цаашид энэ хэрэг хэрхэх эсэх нь тодорхойгүй байна. Учир нь Б.Эрдэнэбат өнөөдөр Монгол Улсад байхгүй. Хоригоо цуцлуулан гадаад улс руу гарсан гэх мэдээллийг албаны эх сурвалж өглөө.

Тодруулбал,  "Эрэл" компанийн удирдлага Б.Эрдэнэбат нь гэр бүлийнхээ хүнийг эмчлүүлэх зорилгоор нэг сарын хугацаатайгаар хилийн хоригоо цуцлуулаад гадагшаа гарсан. гэвч өнөөдөр хилээр буцаж орж ирээгүй байна.  

П.ГОО