УИХ-ын гишүүн Ч.Ундрам өчигдөр NTV телевизийн "Улаан бал" нэвтрүүлэгт оролцох үеэрээ "Би Төрийн ордонд архидаж байгаад хүн унагаад алчихаагүй шүү дээ" гэсэн үг унагасан. Үүнээс үүдэн Ч.Ундрам гишүүнийг хуулийн байгууллага "гэрчээр" дуудах ёстой гэсэн байр суурийг илэрхийлэх хүн олон байна. 

Парламентын гишүүний энэхүү мэдэгдлийн дараа Төрийн ордонд харамсалтайгаар амь насаа алдсан Г.Батхүү агсны дүү П.Батчимэг " Ч. Ундрам гишүүн 2019 оны 5 дугаар сарын 17-ны орой Төрийн ордонд үйлдэгдсэн ноцтой хүн амины хэргийн үйлдсэн “ эзнийг” мэдээд яриад байгаа бус уу" хэмээн нийгмийн сүлжээнд хардах эрхээ эдэлсэн. 

Тэгвэл энэхүү Г.Батхүү агсны амиа алдсан хэрэгтэй холбогдуулан тухайн үед цагдаагийн байгууллагад гэрчээр дуудагдан мэдүүлэг өгч байсан Н.Номтойбаяр өөрийн твиттер хуудаснаа "Салтааны бузраас эхлэлтэй хэрүүлд татагдаж орохгүй ээ. Тамын хар тогоо дүүрэх хулгайчдаас холдож, эрдэм номын мөрөөр өөрийгөө хөгжүүлээд, гадаадын боловсролт, ёс зүйт олноос дутуугаа нөхөөд явж байгаа шүү" хэмээн бичжээ.

Мөн тэрбээр "Бодлогшрох тусам хуримтлуулсан боловсрол чамлагдаад “Төрийн жолооны” курсд суугч боллоо. Зарим нь курсд суучаад их сургуулийг нь төгссөн мэт ярьдаг болохоор курс гэдгийг тодотгоё. Миний бакалавр улстөрөөр Valparaiso university USA, мастер нь MBA&Engineering HTW Germany үнэн шүү" гэсэн байна.