Шинэ жилийн баярын үеэр Оросын төрийн албан тушаалтнуудыг хилийн чанадыг зорихыг хориглох санал гаргажээ. Ийм санаачилгыг Оросын эрх баригч "Нэгдсэн Орос" намаас Төрийн думд сонгогдсон Султан Хамзаев гаргасан гэж РИА Новости мэдээлсэн байна. 

Одоо ОХУ-д нэн чухал үйл явдлууд өрнөж байгаа тул удирдлагын бүхий л анхаарал Оросын бүс нутгуудийн хөгжил, Оросын арми, дотоодын аялал жуулчлалд төлвлөрөх ёстой гэж Төрийн думын гишүүн үзсэн байна. Тиймээс ийм үеэр амрах нь хэр зохистой вэ гэдгийг төрийн өндөр албан тушаалтнууд өөрсдөөсөө асуух ёстой гэж тэрбээр онцолжээ.

Хамзаевын үзэж байгаагаар энэ нь зөвхөн ёс суртахууны асуудал биш, аюулгүй байдалтай ч холбоотой гэнэ. Учир нь өнөөгийн нөхцөлд Оросын төрийн албан тушаалтнууд хилийн чанадад аюулгүй байна гэсэн баталгаа байхгүй гэж Хамзаев онцолжээ. 

Улмаар төрийн өндөр албан тушаалтнуудыг Оросдоо амрахыг зөвлөх шаардлагатай, ингэснээр эрх баригчид болон олон нийт ойлголцох, ойртох нэг алхам болно гэж Хамзаев цохон тэмдэглэсэн байна.

Г.Бямбасүрэн