Манай улс өнгөрсөн 11 дүгээр сарын 25-аас 12 дугаар сарын 01-ний өдрүүдэд 7 220 автомашин, 1 648 чингэлэг нийт 985.4 мянган тонн нүүрс экспортод гаргажээ. Энэ нь өмнөх оны мөн үеэс 1.9 дахин өссөн үзүүлэлт юм байна. Энэ он гарсаар 27 255.0 мянган тонн нүүрс гаргаж, нүүрсний экспорт өмнөх оны мөн үеийн хэмжээнээс 75 хувиар өсөв.

Тайлант хугацаанд 200 автомашин, 282 чингэлэг буюу оны эхнээс 1,296.8 мянган тонн зэсийн баяжмал экспортолсон нь өнгөрөгч оны мөн үеэс 3.2 хувийн өсөлттэй байна.Төмрийн хүдэр, баяжмалын тухайд 492 автомашин, 901 чингэлэг буюу оны эхнээс нийт 4,393.3 мянган тонныг экспортолсон нь өнгөрөгч оны мөн үеэс 38 хувиар буурчээ.

Төв банк оны эхнээс энэ сарын 01-ний өдрийн байдлаар 20.07 тонн алт худалдан авчээ.

Эрдэс бүтээгдэхүүний нийт экспорт дунджаар 98.6 хувийн гүйцэтгэлтэй байна. Тухайлбал, нүүрс 151.4%, зэсийн баяжмал 106.9%, төмөр 86.9%, алт 100.4%, газрын тос 64.3%, цайр 129.7%, хайлуур жонш 51.1% тус тус байна.

Эх сурвалж: УУХҮЯ