Цаг уур орчны шинжилгээний хүрээлэнгээс өнгөрсөн шөнө  /11 сарын 28-29/ 1975 оноос хойш ажиглагдаж буй тухайн өдрийн хамгийн хүйтэн шөнө тохиосон талаар мэдээллээ. 

Тэгвэл ойрын өдрүүдэд цаг агаар ямар байх талаар ЦУОШГ-ын УМХ-ийн инженер Ахмед Алигаас тодрууллаа. Тэрбээр "Өнгөрсөн шөнийн хувьд 1975 оноос хойш ажиглагдаж буй тухайн өдрийн хамгийн хүйтэн шөнө тохиолоо. Ирэх хоёр өдөр одоогийн байгаа хүйтэн хадгалагдана. Энэ сарын 29,30-нд нутгийн зүүн хагаст хүйтэн байна.

Ирэх сарын 1-ээс нутгийн баруун хэсгээс хүйтний эрч бага зэрэг суларна. Сарын эхэндээ зүүн аймгийн аймгуудийн нутаг, төвийн зүүн хэсэг буюу Сэлэнгэ, Төв аймаг, Дорноговийн хойд хэсэг, Сүхбаатар, Хэнтий, Дорнод аймгуудад хүйтэн байна. Ирэх сарын 2,3-нд уулархаг нутгаараа буюу Хэнтийн нуруу, Хангай, Хөвсгөлийн нуруудад бага зэргийн цас орно. Бусад нутгаар цас багатай" гэлээ. 

П.ГОО