ШӨХТГ-аас цаг үеийн асуудлаар мэдээлэл хийлээ. 

ШӨХТГ-ын дарга С.Мөнхчулуун: 

Банкны нэг хувийн шимтгэл холбоотойгоор хяналт шалгалт ажил хийгээд, Арилжааны банкууд ипотекийн зээлийн шимтгэл нэг хувийг авч байгаа нь хууль зөрчсөн гэх шийдвэрийг гаргасан. Үүнээс есөн банкинд зөрчлийн тухай хуулийн дагуу 20 сая төгрөгийн торгуул оногдуулсан. 

Тухайн есөн банк бидний гаргасан шийдвэрийг хүлээн зөвшөөрөлгүйгээр шүүхэд хандсан. Одоогоор шүүх хурлын урьдчилсан шатны хэлэлцүүлэг болж, шүүх хурлын товыг зарлаад бэлэн болоод байж байна. 

Манай байгууллагын зүгээс өөрсдийн хуулийн газар болон энэ чиглэлээр мэргэшсэн банкны нэг хувийн зээл дээр ажиллаж байгаа хуульчдын холбооны өмгөөлөгч Батхүү болон Ялалт нарыг нэмэлтээр авч ажиллаж байна. 

Үүний дараагаас иргэдийн хүсэлтээр ББСБ-д хяналт шалгалтыг хийгээд явж байна. Нийтдээ 527 ББСБ байна. Үүнээс идэвхтэй үйл ажиллагаа явуулж байгаа 50 байгууллагад хяналт шалгалтын ажлыг явуулсан. Эдгээрийн 26 ББСБ-аас  зөрчил илэрсэн. 

Зөрчил илэрсэн 26 байгууллагаас мөн арилжааны банкуудын адилаар зээлийн шимтгэлийн нэг хувийг авахдаа үндэслэлгүй тогтоосон, зээлийн шимтгэл хураамжийг давхардуулан авч байгаа гэх зөрчлүүд гарсан" гэв.