Холимог тулааны залуучууд, насанд хүрэгчдийн Азийн аварга шалгаруулах /сонирхогчдын/ тэмцээн аравдугаар сарын 27-30 ны хооронд Тажикистаны нийслэл Душанбед болж өнгөрлөө. 

Манай улсаас залуучуудын 56.7 кг-ын жинд Б.Отгонбаатар, жүдо бөхийн ОУХМ, дасгалжуулагч Г.Дашдаваагийн хамт оролцож мөнгөн медаль хүртэв. Энэ нь Б.Отгонбаатарын хувьд Душанбед нийт дөрвөн тулаан хийсэн бөгөөд Монголын холимог тулааны тамирчдаас Азийн аваргаас хүртсэн анхны медаль болсон юм.

Мөн тэрбээр чөлөөт бөхийн спортоор өсвөр үеийн Азийн АШТ-ий хүрэл медальт, өсвөр үеийн улсын хошой, залуучуудын улсын аварга болж байсан.