'Produce 101'-ийн 2-р улирлын жүжигчин Ли Жи Хан болон хөгжөөн дэмжигч Юна Ким нар Итаевонд болсон баярын үеэр нас баржээ. Тэд хоёулаа 1998 онд төрсөн, 24 настай байсан аж. 

29-ний өдөр /2022.10.29/ Сөүлийн Ёнсан-гу хотын Итэвон хотод болсон Хэллоуины баярыг тэмдэглэхээр олон хүн цугларсны улмаас улсын хэмжээнд эмгэнэлт үйл явдал болсон билээ. 

Жүжигчин Ли Жи Ханы 935 Entertainment агентлаг өнөөдөр -2022.10.31/  "Эрхэм гэр бүлийн жүжигчин Ли Жи Хан тэнгэрт од болж биднийг орхисон" гэж мэдэгджээ.

Ли Жи Хан  2017 онд  'Produce 101'  2-р улиралд амьд үлдэх шалгалтын хөтөлбөрт оролцож, олонд танигдсан.

Тэрээр үргэлжлүүлэн, "Ли Жи Хан бол хүн болгонтой найрсаг, халуун дотно найз байсан бөгөөд тэрээр үргэлж инээмсэглэж, зоригтойгоор биднийг угтдаг, хязгааргүй сэргэлэн, гэнэн жүжигчин байсан" гэж тэр хэлэв.

Мэргэжлийн бейсболын LG Twins болон Kia Tigers багийн хөгжөөн дэмжигч Юна Ким мөн Итэвонд болсон баяраар амиа алдсан харамсалтай мэдээ дуулгалаа. 

Үүний зэрэгцээ Гамшиг, аюулгүй байдлын эсрэг тэмцэх төв штабаас өнөөдөр өглөөний 6 цагийн байдлаар Итэвон гамшгийн улмаас нийт 303 хүн гэмтэж бэртсэний 154 нь нас барж, 33 нь хүнд, 116 нь хөнгөн гэмтсэн гэж мэдэгдэв.

Засгийн газраас ирэх сарын 5-ны 24:00 цаг хүртэл нийтээр гашуудал зарлана гэж мэдэгдсэн юм.