Жил бүрийн аравдугаар сарын 29-ны өдрийг дэлхий нийтээрээ "Тархины харвалттай тэмцэх өдөр" болгон тэмдэглэн өнгөрүүлдэг уламжлалтай.  Энэ өдрийг тохиолдуулан ЭМЯ-аас мэдээлэл хийлээ.

 Монголын харвалтын нийгэмлэгийн тэргүүн Р.Амарбаясгалан 

Энэ өвчин нь нас баралтын түвшнөөрөө дэлхийд тэргүүлдэг. Жишээлбэл, жилд 12,2 сая хүн тархины харвалтад өртдөг гэсэн судалгаа бий. Насанд хүрсэн хүмүүсийн дөрөвний нэг нь харвадаг. Үүний 47 хувийг эрэгтэйчүүд, 53 хувийг эмэгтэйчүүд эзэлж байна. 

Жилд 6,5 сая иргэн тархины харвалтын улмаас нас бардаг. Нас барсан хүмүүсийн 51 хувь нь эрэгтэй, 49 хувь нь эмэгтэйчүүд байна. Тархины харвалтад  хамгийн их нөлөөлдөг зүйл нь буруу хооллолт, хөдөлгөөний дутагдал юм.

Мөн цусны даралт ч маш их нөлөөлдөг. Тиймээс цусны даралттай иргэн эмээ цаг бүрт нь тогтмол ууж хэвших хэрэгтэй. Үүнээс гадна харвалтаас сэргийлэхийн тулд эрүүл хооллож, байнгын дасгал хөдөлгөөн хийж, стрессээс ангид байхыг уриалж байна" хэмээв.