Сүүлийн үед Дэлхийн олон алдартнууд коронавирусын эсрэг вакцинаас болж ямар нэгэн гаж нөлөөнд өртөөд байгаа билээ. 

Саяхан дуучин Кэтти Перригийн Лас Вегаст хийсэн "Play" тоглолтын үеэр нэгэн хачирхалтай үйл явдал болжээ.

Уг явдал нь Кэтти Перри дуугаа дуулж дуусаад зургаа авхуулах гээд тайзан дээр зогсож байтал  нэг нүдээ нээж чадахгүй хурууныхаа тусламжтайгаар зовхио нээж байсан нь түүнд эрүүл мэндийн ямар нэгэн ноцтой зүйл тохиолдсон нь харагдаж байгаа юм. 

Кэти Перри хүмүүсийг вакцинд хамрагдахыг  уриалж байсан ч саяхны тоглолтын бичлэгээс харахад түүний нүүрний тал тал нь саажилттай болсон нь илт харагдаж байлаа.  Энэ нь магадгүй вакцины үр дүн хэмээн таамаглаад буй. 

Түүний энэхүү үйлдэл яг л робот мэт харагдсан тухай сэтгэгдлүүд цахим орчинд хөвөрч эхэлжээ. Харин дуучин бүсгүйн үнэнч фенүүд түүний эрүүл мэндэд ямар нэгэн ноцтой зүйл тохиолдсон хэмээн үзэж байна. 

2022 оны зургаадугаар сард дуучин Жастин Бибер "Ramsay Hunt Syndrome" хэмээх өвчин тусч нүүрнийх нь нэг тал бүрэн саажсан. Энэ үеэр мөн нэг нүдээ нээх чадваргүй болсон бөгөөд Кэти Перрид ч мөн ийм зүйл тохиолдож байна хэмээн тал талын үзэл бодлыг хуваалцаад байна. 

 Дуучин бүсгүй энэ тухай ямар нэгэн тайлбар өгөөгүй байна. Амаржаад удаагүй байгаа түүний хувьд ачаалалтай ажиллаж байгаа нь ядаргаанд орох нэг шалтгаан болсон байж болзошгүй аж.