Эдит, Себастиан нарын дөрвөн хүүхдийн гурав нь удамшлын өвчтэй болох нь тогтоогдсон бөгөөд энэ өвчин нь  эцэстээ хараагүй болгодог тул тэд хүүхдүүддээ чадах чинээгээрээ сайхан дурсамжийг өгч, дэлхий ертөнцийн сайхныг  харахаар аялалд гарахаар шийджээ.

Канадын хос Эдит Лемэй болон Себастьян Пеллетье нар 12 настай Мая охиноо гурван настай байхад нь харааны асуудалтай болохыг мэджээ. Ууган охин Мая нь пигментийн ретинит хэмээх удамшлын ховор өвчтэй нь тогтоогдсон бөгөөд цаг хугацааны явцад хараа нь муудах эсвэл бүрмөсөн хараагүй болох магадлалтай аж. 

Гэрлээд 12 жил болж буй Лемэй, Пеллетье нарын долоо болон таван настай хоёр хүүд нь мөн эмч нар ийм онош тавьжээ. Эдит Лемэй пигментийн ретинитийн өсөлтийг зогсоох, бууруулах ямар  ч арга хэмжээ авч чадахгүй байгаа тухай ярьсан байна.

Хэр хурдацтай явж байгааг нь мэдэхгүй ч хүүхдүүд маань амьдралынхаа явцад хараагүй болох эрсдэлтэй байна гэжээ. Тиймээс хос хоёр хүүхдүүдийнхээ баримжаалах чадварыг нь хөгжүүлж байгаа гэнэ. 

Канад гэр бүлийнхэн бүтэн жилийн аяллынхаа тэн хагаст хүрж байгаа бөгөөд одоогоор Намиби, Замби, Танзани, Турк, Монгол, Индонези зэрэг орноор аялаад байна.

Эх сурвалж: CNN