Дэлхийн од Жастин Биберийн экс найз охин Селена Гомез, эхнэр Хейли Бибер нар өнгөрсөн бямба гарагт /2022.10.15/ Лос Анжелес дахь Академийн музейн гала тоглолтын үеэр  анх удаа хамт зураг авхуулжээ. 

Селена Гомез, Жастин Бибер нар хэдэн жилийн турш болзож, олон удаа салж, нийлж байсан ч 2018 онд нэгмөсөн салцгаасан. Селенагаас салснаас хойш хэдэн сарын дараа Жастин Бибер загвар өмсөгч Хейлид гэрлэх санал тавьж, тэд хоёр сарын дараа гэрлэсэн юм.

Тэднийг өмнө нь таарамжгүй харьцаатай байсан, мөн ямар ч жүжиг байхгүй гэдгийг тодорхой харуулав. Уг арга хэмжээнд Селена Хейлиг халуун дулаанаар тэвэрсэн байдалтай зургаа авхуулсан нь олны гайхширлыг төрүүлээд байгаа юм. Жастин тус арга хэмжээнд оролцоогүй аж. 

Хейли өнгөрсөн есдүгээр сарын 28-нд "Call Her Daddy" подкастанд орж, өөрийнхөө болон хосын амьдралынхаа талаар дэлгэрэнгүй ярьсан. Ингэхдээ Хейли хэзээ ч Селена, Жастин нарыг үерхэж байхад нь давхар харилцаатай байгаагүй гэдгээ амласан юм.

Арга хэмжээнд хоёр эмэгтэй хоёулаа бараан өнгийг сонгосон. Селена даашинз өмсөхийн оронд нь эрэгтэй хувцаснаас санаа аван гоёжээ. 

Селена Гомез Бибертэй харилцаатай байсныгаа “хортой харилцаа” байсан гэж нэрлээд, түүнээс салахад маш хэцүү байсан гэж олон удаа хэлж байсан. Салсныхаа дараа Селена удаан хугацааны туршид сэтгэлийн хямралд орж, түүнтэйгээ тэмцсэн. Хожим нь сэтгэлийн шаналал нь хоёр туйлт эмгэг гэсэн сэтгэцийн өвчин болох нь тогтоогдсон.