Монгол Улсын нэгдсэн төсвийн 2023 оны төсвийн хүрээний мэдэгдэл, 2024-2025 оны төсвийн төсөөллийн тухай хуульд өөрчлөлт оруулах тухай хуулийн төслийг хэлэлцэж байна.

Хэлэлцүүлгийн үеэр гишүүн Ц.Анандбазар "Төсвийн хүрээний мэдэгдлийн гол амь болсон зүйлүүд дээр тодорхой хариултууд өгмөөр байна. ЗГХЭГ-ын дарга С.Амарбаясгаланг Сангийн яамаар орж үзээч гэж хүсмээр байна. Монгол Улсын мөнгөн урсгалыг хэн барьж хэн зохицуулж байгааг би олон удаа асуусан. Мөнгөн урсгалыг удирдана гэдэг санхүүгийн өндөр мэдлэгтэй, аж ахуй тооцоо мэддэг хүний ажил. Олон хүн мөнгөн урсгалыг удирдана гэж байдаггүй. Тийм ч учраас өрийн таац, урсгал зардлаа нэмэгдүүлээд үүрэггүй олон зээл авахаар төлөвлөгдсөн зүйл ажиглагдаж байна. Авч байгаа зээл нь ажлын байр бий болгодоггүй, экспортын бараа бүтээгдэхүүнийг нэмдэггүй,  үр ашгаа нийгэм эдийн засагт өгөхгүй болохоор эдийн засаг улам хүндэрнэ. Ийм учраас энэ асуудлыг эдийн засгийн сайддаа өгөх хэрэгтэй. Хэрэв төсвийн хүрээний мэдэгдлийн хүрээнд өрийн таазаа нэмэрээр бол урсгал зардлаа танах хэрэгтэй. Урсгал зардлаар өр зээл нэмдэггүй. Мэдсээр байж эсрэг юм хийгээд байсан Монгол Улс хүнд байдалд орно. 2024 онд улсаа дампууруулах хэцүү эдийн засагт хүргэмээргүй байна. С.Амарбаясгалан дарга ажлаа Сангийн яамнаас эхлүүлэх хэрэгтэй. Төсвийн эргэж задлахгүй бол болохгүй гэж хөдөөгийн гишүүд үзэж байгаа. Хөдөөгийн хөрөнгө оруулалтыг бүрэн танасан байна. Түгжрэлд мөнгө тавиад байна. Түгжрэлийг мөнгөөр бус шинэлэг санаачлага IT технологи, зөв менежентийн бодлогоор буулгах ёстой. Улаанбаатарт жил бүр 50 мянган оюутан нэмэгдэж байна. Ерөнхий сайд орон нутагт их сургууль байгуулах зөв санаачлага эхлүүлсэн. Бүтнээр нь их сургуулийг шилжүүлвэл дампуурна. Харин нэгдүгээр курсийн оюутнуудыг орон нутагт сургавал 50 мянган оюутан түгжрэл бий болгодог байдлаас сална" гэлээ.