Худалдаа үйлдвэрлэлийн их сургуулийн удирдлагууд БШУЯ-ыг шүүхэд өгөх талаар мэдээлэл хийлээ. Уг асуудлаар доктор, профессор М.Должин тайлбар мэдээлэллийг өглөө. 

"Бид Засгийн газрын 2022 оны наймдугаар сарын 3-ны өдрийн 293 дугаар тушаалаар анх удаа БШУЯ-ны сайдын шийдвэрийг  сонсоод үнэхээр цочирдом хүндээр хүлээж авсан.

Холбогдох асуудлаар БШУ-ны сайдтай уулзаж үзэх мөн дээд боловсролын газрын даргатай уулзах хүсэлт тавьсан. Гэсэн хэдий ч дээд боловсролын газрын дарга сайдтай уулз хэмээн хэлсэн ч одоо хэр нь уулзаж чадаагүй явж байна.

Татан буугдсан сургуулиуд наймдугаар сарын 19-ны өдөр татан буугдчихсан гэтэл бид өнөөдөр оюутнуудаа элсүүлээд авчихсан, үйл ажиллагаа хууль зүйн хүрээнд хүчинтэй эсэх нь эргэлзээтэй асуудал болж гарч ирсэн. Тиймээс уг тушаал эрх зүйн хувьд алдаатай эсэх тал дээр хяналт хийж үзсэн.

 "МХЕГ-ийн дүгнэлтээр стандарт зөрчсөн, сургалт эрхлэх тусгай зөвшөөрлийн нөхцөл шаардлагыг удаа дараа хангаагүй болох нь тогтоогдсон" гэх үндэслэл гаргасан байсан. Харин үүнийг манай хамт олон үйл сургуулийн ажиллагаатай огт нийцэхгүй байна гэж үзэж байгаа.

Тухайн гарсан тушаалын 296 дугаар тушаал гарсан үндэслэлийн нэг хэсэг нь боловсролын тухай хуулийн 24.1 буюу мэргэжлийн хяналтын байгууллагийн дүгнэлтээр стандарт зөрчсөн, сургалт эрхэлэх тусгай зөвшөөрлийн нөхцөл шаардлагыг удаа дараа хангаагүй болох нь тогтоогдсон гэсэн үндсэлэл нь манай сургуулийн бодит байдалтай нийцэхгүй байна.

Ийм учир бид сургуулийнхаа нэр хүндийг хамгаалах, оюутан залуус ажилчдынхаа эрх ашгийг хамгаалах үүднээс хуулийн байгууллагад хандаж байна" гэлээ.