"Алтан намар-2022" төмс ногооны үзэсгэлэн худалдааны зохион байгуулалтын талаар Улаанбаатар хотын Захирагчийн алба, Нийслэлийн Хүнс, хөдөө аж ахуйн газраас мэдээлэл өглөө.

Нийслэлийн зүгээс нийт 31 байршилд төмс, хүнсний ногооны үзэсгэлэн худалдаа зохион байгуулахаар төлөвлөсөн.

Өчигдөр буюу наймдугаар сарын 17-ний өдрийн байдлаар нийслэлийн долоон дүүргийн 17 байршилд 186 цэгт хүнсний ногооны худалдаа гараад байна.

Хөдөө орон нутгаас ирж буй газар тариалан эрхлэгчдийн тооноос хамааран батлагдсан байршлуудыг нэмэгдүүлэх боломжтой. Мөн үзэсгэлэн худалдаанд оролцох ногоочдоос түрээсийн төлбөр, нэмэлт хураамж авахгүй.

Худалдаа үйлчилгээ эрхэлж буй наймаачдаас байгаа орчин нөхцөлдөө соёлтой, боловсон цэвэр ажиллахыг л хүсэж байгаа ажээ.