Олон нийтийн цагдаагийн сул орон тоог нөхөн хангах чиглэлээр Нийслэлийн цагдаагийн удирдах газрын Хүний нөөц, сургалтын хэлтсээс Нийслэл хотод ажиллуулах олон нийтийн цагдаагийн сонгон шалгаруулалтыг явуулах гэж байна.

Олон нийтийн цагдаагаар ажиллах хүсэлтэй иргэдийг 2022 оны 08 дугаар сарын 01-нээс 09 дүгээр сарын 01-ний өдрийг хүртэл бүртгэж, сургалтыг зохион байгуулахаар төлөвлөжээ. 

Болзол шалгуурыг хангасан иргэд өөрийн харьяа оршин суугаа газрын цагдаагийн газар, хэлтэст дараах материалыг бүрдүүлж өгнө үү. 

Бүрдүүлэх материал:

1. Олон нийтийн цагдаагаар ажиллахыг хүссэн өргөдөл
2. Ял шийтгэлийн лавлагаа
3. Төрийн албан хаагчийн анкет
4.  Гурван үеийн түүх /өөрийн төрсөн эцэг эх, эхийн эцэг, эхнэр /нөхөр/ -ийн гэсэн 8-н хүний намтрыг өөрийн гараар дэлгэрэнгүй бичих
5.  Иргэний цахим үнэмлэхний хуулбарыг нотариатаар баталгаажуулсан байх, цахим үнэмлэхгүй бол лавлагаа авсан байх
6. Боловсрол, мэргэжлийн диплом, гэрчилгээний хуулбарыг нотариатаар баталгаажуулсан байх
7. Хорооны Засаг даргын тодорхойлолт
8. Ажиллаж, суралцаж байсан бол тухайн сургууль, ажлын газрын тодорхойлолт
9. Хөдөлмөр, нийгмийн даатгалын дэвтэр
10. Зураг 4*6 хэмжээтэй 3 ширхэг, 2*3 хэмжээтэй зураг 3 ширхэг байна.

Олон нийтийн цагдаагаар судлагдах иргэдэд тавигдах шаардлага:

• Улаанбаатар хотын харьяа байх
• Бүрэн дунд болон түүнээс дээш боловсролтой
• 20 нас хүрсэн /эрэгтэй, эмэгтэй/
• 168 см-ээс дээш өндөртэй
• Биеийн зөв хөгжилтэй
• Цэргийн алба хаасан бол давуу тал болно.
• Урьд өмнө ял шийтгэл эдэлж байгаагүй. / гэмт хэрэг, зөрчилд холбогдож байгаагүй/
• Биеийн ил харагдах хэсэгт шивээс, нүүрэнд илэрхий сорви, мэс заслын оёдолгүй байх