Ирэх 08 дугаар сарын 01-нээс 5-11 насны хүүхдүүдийг коронавируст халдварын эсрэг вакцинд хамруулж эхэлнэ. Хүүхдийг вакцинд хамруулснаар халдвар, хүндрэл, эндэгдлээс 90-95 хувь хамгаалах аж.

Хүүхдүүдэд Герман улсын Пфайзер Бион'Тех үйлдвэрийн Комирнети вакциныг хоёр тунгаар сарын зайтай хийх юм байна. Вакциныг сайн дураар, эцэг эхчүүдийн зөвшөөрлөөр эхний тунг өрхийн эмнэлгүүдэд, хоёрдугаар тунг сургууль, цэцэрлэгт түр цэг нээж хийх аж.  

Вакциныг сайн дурын үндсэн дээр хийх учраас вакцинд хамрагдаагүй хүүхдийг сургууль, цэцэрлэгт авахгүй гэх асуудал үүсгэж болохгүйг ЭМЯ-наас анхааруулж байна.