Бөхийн төрлүүдийн 2022 оны "U17" нас буюу өсвөр үеийн Дэлхийн аварга шалгаруулах тэмцээн Италийн нийслэл Ромд болж буй.

Манай улсын  өсвөрийн тамирчдад Италийн элчин сайдын яамнаас виз мэдүүлэх цаг олгоогүйн улмаас явах боломжгүй болжээ. Тэгвэл "U17" нас буюу өсвөр үеийн Дэлхийн аварга шалгаруулах тэмцээнд оролцохоор Япон улсад амьдардаг Бямбасүрэнгийн Халиун аавын хамт Италийн нийслэлд очин тэмцээнд амжилттай оролцсоор байна.

Бишкект болсон өсвөр үеийн Азийн аваргаас мөнгөн медаль хүртээд удаагүй байгаа тэрбээр "U17" насны Дэлхийн аварга шалгаруулах тэмцээний 53 кг-ын жинд хүрэл медалийн төлөө барилдахаар болсон байна.

Б.Халиун 1/8 шигшээд Сербийн Милича Секуловичийг 10:0-ээр, шөвгийн наймд АНУ-ын Елена Ноэл Ивалдиг цэвэр ялсан ч хагас шигшээд өнгөрсөн жилийн өсвөр үеийн дэлхийн болон Европын аварга Украины Мария Ефремовад цэвэр ялагдсанаар хүрэл медалийн төлөө барилдахаар болжээ.