Говьсүмбэр аймгийн Сүмбэр сумын II багийн нутаг Өлзийтийн гудамжинд Дундговь аймгийн харьяат 57 настай, эмэгтэй “Ч” гэгч нь 2022 оны 07 дугаар сарын 22-ны өдөр толгойн хэсэгтээ шархтай, гадны нөлөөтэй нас барсан гэмт хэрэг бүртгэгджээ.

Уг хэргийг 58 настай, эрэгтэй “З” гэгч үйлдсэнийг шалгалтын дүнд тогтоосон ч хэргийн газраас оргон зугтсан түүнийг өнөөдөр буюу 2022 оны 07 дугаар сарын 28-ны өдөр Төв аймгийн Батсүмбэр сумаас саатуулан мөрдөн шалгах ажиллагааг үргэлжлүүлж байна.

Шалгалтын явцад “З” гэгч нь урьд өмнө хүчиндэх, хулгайлах, хүний биед хүнд гэмтэл учруулах зэрэг гэмт хэрэг үйлдэж, 6 удаагийн ял шийтгэл эдэлж байжээ.