Дархан аварга Х.Баянмөнх сүүлийн удаа цолоо дуудуулж, зодог тайллаа. 

Тэрбээр зодог тайлсны дараа "Би өнөөдөр 80 нас хүрч, төр-ард түмний наадам 100 жилттэй золголоо. Засаг төрөөс зодог тайлах эрхийг надад өгч, ёслон тэмдэглэж байгаад би их баяртай байна. Зүлэг ногоон талбайдаа дахин зодог шуудагтай хүч үзэж чадахгүй гэсэн хөнгөн мэдрэмж надад төрж байна. Гэхдээ би өөрөө хатуу сануулан хэлж байгаа. Чи 13 настайдаа бөхийн аманд гарч байсан, одоо 80 настай. Энэ ногоон зүлэг дээр 68 жил хүчээ ханатлаа үзлээ. Дэлхийд барилдлаа. Монгол орынхоо нэрийг мандууллаа. Шавь нар бэлтгэх ажлаа хийлээ, боллоо гэж өөртөө хэлж, хүлээн зөвшөөрч байна" хэмээн сэтгэгдлээ хуваалцлаа. 

Мөн тэрбээр "Миний Монголын ард түмэн сайхан сэтгэлтэйгээр, өвөг дээдсийнхээ үлдээсэн наадмыг чанартай сайн хийж, цэвэр ариун ёс суртахуунтай авч явж, чамбайхан, чансаатай авч явна гэдэгт найдаж байна" гэдгээ илэрхийлж, эрүүл энх, сэтгэл санаа сайхан, бусдын сайн сайханд талархаж яваарай, санааны зоргоор амьдардаг хорвоо биш сайхан санаатай явахыг захиж, өнө мөнхөд жаргаж цэнгэж явахыг ерөөлөө.