Тулгар Төрийн 2230, 2231, Их Монгол Улсын 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ойн баяр наадмын Хурдан морины уралдаан өнөөдөр азарганы уралдаанаар эхэлнэ.

Яг одоо хүй долоон худагт уралдаанд оролцох азарга насны морьдын шүдэлгээ болон сэрвээний өндрийг нь хэмжиж үйл явц үргэлжилж байна. Үүний дараа сэрвээний өндрийн стандартад тэнцсэн азарга насны морьд гарааны зурхай руу хөдөлгөөн үйлдэнэ.