Сэтгүүлзүйн Инновац, Хөгжлийн Үүр төвийн тэргүүн Б.Дуламхорлоо "Хэрэглэгчдийн мэдээллийн самбар дээр харагдаж байгаа мэдээлэл маш тодорхой байдлаар эргэлзээтэй, худал гэдэг нь шууд мэдэгдэж болох шошготой болно. Ингэснээр бид ямар нэгэн мэдээллийг уншихаасаа өмнө бүрэн бус, худал ташаа мэдээлэл гэдгийг нягтлах цаашлаад гарчиг төдийгөөр хандалт авдаг хуурамч сайтуудыг шахан гаргах мэдээлэлд шүүлтүүртэй ханддаг болох юм.

Монголын баримт шалгах төв нь Монголын анхны “Олон улсын баримт шалгагчдын холбооны албан ёсны эрхтэй албан ёсны байгууллага. Өнгөрсөн хоёр жилийн хугацаанд аль хэдийн ямар нэгэн платформууд дээр нийтлэгдсэн буруу ташаа мэдээллүүдийг нийтлэгдэж иргэдэд түгсэн хойно худал мэдээлэл гэдгийг мэдэгдэж үр дагавартай тэмцэж ажилладаг байсан. Харин “Мета” компаний албан ёсны түнш болсноор хор хохирол учруулахаас өмнө урьдчилан сэргийлж учир шалтгаантай нь тэмцэх боломжтой болж байна" гэж хэвлэлийн хурлаар мэдэгдлээ.

“Мета” компани 2016 оноос эхлэн FACEBOOK, INSTAGRAM дахь хуурамч ташаа мэдээллийг устгах шүүлтүүр тавих зорилгоор цахим орчинд тархаж байгаа мэдээллийн үнэн бодит байдлыг нягтлах албан ёсны түншлэлийн хөтөлбөрөө хэрэгжүүлж эхэлсэн. Тус хөтөлбөрийн хүрээнд одоогоор 80 гаруй баримт шалгах төвтэй түншилж 60 гаруй хэл дээр үйл ажиллагаагаа явуулж хуурамч мэдээллийн тархалтыг хумих, устгах арга хэмжээ авч ажиллаж байгаа ажээ.