Улсын дээд шүүхийн шүүгч П.Соёл-Эрдэнэтэй холбоотой асуудлаар “Сант” сургуулийн захирал Д.Зургаанжингээс тодрууллаа.

Улсын дээд шүүхийн шүүгч П.Соёл-Эрдэнийн албан бичигтэй холбоотой ямар асуудал үүссэн бэ?

Улсын дээд шүүхийн шүүгч П.Соёл-Эрдэнийн гаргасан 2021.01.07-ны өдрийн 4/83 тоот албан бичгийг Захиргааны хэргийн давж заалдах шатны шүүх 2021.10.22-ны өдөр шинээр илэрсэн нөхцөл байна гэж үзэж Сант сургуультай холбоотой 2017 онд шийдэгдсэн захиргааны хэргийг сэргээсэн. Тухайн шүүх хуралд Сант сургуулийн ямар ч өмгөөлөгч, итгэмжлэгдсэн төлөөлөгчийг оролцуулахгүйгээр шийдвэрлэсэн. Энэ талаар гомдол гаргасан боловч хүлээж аваагүй. Сант сургуулийн асуудлыг хэлэлцэж байж ядаж намайг оруулж болно доо.

Та Улсын дээд шүүхийн шүүгч П.Соёл-Эрдэнэтэй холбоотой гомдол гаргасан уу?

Улсын дээд шүүхийн шүүгч П.Соёл-Эрдэнэ хуулийн зүйл заалтыг тайлбарлуулах хүсэлтэд хариу өгөхдөө Улсын дээд шүүхийн захиргааны танхимаар хэлэлцэж шийдвэрлээгүй асуудлыг албан бичигтээ тусгаж бусдад давуу байдал бий болгосон эсэхийг шалгуулахаар Шүүхийн сахилгын хороонд гомдол гаргасан байгаа.

Нэг талаас “Сант” сургуулийн Д.Зургаанжин захирал хүүхдүүдийнхээ үндсэн хуулиар олгогдсон сурч боловсрох эрхийнх нь төлөө болохгүйгээс болох газар хүртэл явж байгаа харагдах юм. Нөгөө талаас манай шүүхийн систем нэг шийдвэрлэсэн хэргээ сүүлд гарсан албан бичиг төдийхнөөр сэргээгээд байвал Монголд ямар ч хэрэг шүүхээр эцэслэн шийдвэрлэх боломжгүй юм байна гэж сэтгүүлч миний хувьд бодогдлоо.