Бусдыг хүчирхийлсэн хэрэгт холбогдсон З.Санждоржийн талаар иргэн И.Оюунсүх хэвлэлийн хурал хийлээ.

Иргэн З.Санждорж “Зиндаа.мн сайтын захирал Х.Мандахбаяр тус сайтын сэтгүүлч Б.Гантуяа, Asuu.mn сайтын сэтгүүлч Уранчимэг нар миний нэр төр, ажил хэргийн нэр төрийг унагаж гэмт хэргийн шинжтэй үйлдэл гаргаж байгаа тул хууль хяналтын байгууллагаар шийдүүлэхээр гомдол гаргасан. Тодруулбал, намайг шашны сургуулиас хөөгдсөн, Гандантэгчэнлин хийдээс хөөгдсөн, хулгай хийж эрүүгийн хариуцлага хүлээсэн, Гандантэгчэнлин хийдээс алтан бурхан хулгайлаад хуулийн хариуцлага хүлээсэн, хүн хүчиндсэн гэж баримт нотолгоогүй, хуурамч эвлүүлэг гарган ор үндэслэлгүй гүжирдэж байна.

Нэгдүгээрт,би шашны сургуулиасаа хөөгдөөгүй, үүнийг гэрчлэх шашны сургуулийн диплом байгаа

Хоёрдугаарт, би Гандантэгчэнлин хийдээс хөөгдөөгүй, эрүүгийн хариуцлага хүлээж байгаагүй. ЦЕГ-аас эрүүгийн хэрэг хүлээж байгаа эсэхийг нотлох бичиг баримтыг авч ирсэн. Дараагаар хүн хүчиндсэн гэж намайг гутаан доромжилж, гүтгэсэн. Үүнийгээ олон нийтэд маш идэвхтэй түгээсэн.

Эцэст нь энэ хэргүүдийн цаана зохион байгуулалттай маш том шашны, гэмт хэргийн бүлэглэл байгаа” гэж мэдээллээ.

Б.Намуунзаяа