Эмээлт дэх махны үйлдвэрийн асуудлаар мэргэжлийн байгууллагууд мэдээлэл хийж байна.

МХЕГ-ын дарга Б.Баасандорж “МХЕГ долоон чиглэл, долоон салбарт хяналт тавьдаг. МХЕГ-аас холбогдох хяналт шалгалтыг хийж байгаа. Өнөөдөр улсын хэмжээнд махны чиглэлээр үйл ажиллагаа явуулдаг 173 аж ахуй нэгж байна. Үүнээс 61 нь экспортын үйл ажиллагаа явуулдаг. Тодруулбал, 31 аж ахуй нэгж нь БНХАУ-руу  бүтээгдэхүүн экспортолдог.

... “Эм Ди Си Пи” компанид зөрчлийн болон эрүүгийн хэрэг үүссэн. Хяналт шалгалт үргэлжилж байна. Мах чанасан асуудалд МХЕГ-ын даргын хувьд шүүмжлэлтэй хандаж байгаа. Асуудал гарсан тохиолдолд лабораторийн шинжилгээний дүн гарсны дараа махыг хэрэглэх эсэхээ шийдэх ёстой. Мах чанах нь эрсдэлтэй. Холбогдох хариуцлага тооцно.

Мэргэжлийн хяналтын газраас прокурор дээр хэрэг үүссэн учраас прокурорын тогтоолын дагуу лац тавьсан. Лацыг прокурорын зөвшөөрөлгүйгээр мэргэжлийн хяналтын байцаагч, цагдаагийн байгууллага, хэн нэгэн иргэн хөндөж болохгүй. Энэ нь зөрчил" гэж мэдээллээ. 

Г.Мичидмаа