АН-аас цаг үеийн асуудлаар мэдээлэл хийлээ.

АН-ын дарга М.Тулгат “Сонгогдсон боловч бүртгэгдээгүй дарга гэдэг гуншинтай хүн байна. Ардчилсан намын даргын сунгааг хийж ялж, даргаар бүртгүүлнэ гээд байгаа нэг нөхөр бий. Миний хувьд хууль ёс, Ардчилсан намын дүрмийн дагуу даргын сунгаанд оролцож ялж УИХ-аар баталгаажаад бүртгүүлэх хүсэлтээ өгсөн. Өнөөдрийг хүртэл  хууль, шүүхэд хүндэтгэлтэй хандаж ирсэн. АН-ын даргаар бүртгүүлэх хүсэлтээ гурван удаа өгсөн. Гурван удаа буцаагдсан. Энэ бүхэнд хүндэтгэлтэй хандаж ирсэн.

...АН-ын даргаар Х.Баттулга гэдэг хүнийг бүртгэх ямар ч үндэслэл байхгүй. Монгол Улсын Ерөнхийлөгч байсан. Ерөнхийлөгчийн хувиар Ардчилсан намын гишүүнээс татгалзсан. АН-ын даргын сунгаа нь дүрмийн маш олон зөрчилтэй. Хяналтын систем байхгүй.  Бүх зүйл нь будлиантай. АН-ын хуучин дүрмээр учир нь ойлгогдохгүй сунгаа явуулсан. Маш олон асуудалтай. Энэ олон асуудлынхаа дээгүүр гишгэж хаашаа гарах гээд байгаа юм бэ.

...Монгол төр, Монголын хууль, шүүхийн дээгүүр хэн нэгэн алхаж, нөлөөлж болохгүй. Монгол Улс Х.Баттулга гэдэг эрх хүүхэдтэй болчихлоо.  Эрх хүүхдийг эрхлүүлэх гэж монголын төр, ард түмэн байгаа юм биш. Ёс зүйн хувьд асуудалтай. Асуудлуудаа шийдэх хэрэгтэй. Болиоч гэж хэлмээр байна" гэж мэдээллээ. 

Г.Мичидмаа