Аялал жуулчлалын салбарын томоохон чухал хэсэг болох Зочлох үйлчилгээний салбарт инновацийг нэвтрүүлэх, бүтээгдэхүүн үйлдвэрлэгч аж ахуйн нэгж байгууллагын үйл ажиллагааг дэмжих, зах зээлээ өргөжүүлэх, өрсөлдөх чадвараа нэмэгдүүлэх, түншлэлийг бий болгох зорилготой нэгдсэн арга хэмжээ болох гэж байна. Нэгдсэн арга хэмжээ нь 2022 оны 05 дугаар сарын 13-14-ний өдрүүдэд Улаанбаатар зочид буудлын “EVENT HALL” танхимд зохион байгуулагдана. 

- “Зочид буудал, зоогийн газрын хангамжийн үзэсгэлэн”

-Салбарын хүний нөөцийг чадавхжуулах, туршлага солилцох, ажил мэргэжлийг сурталчлах зорилгоор “Зочлох үйлчилгээний салбарын мэргэжлийн аварга шалгаруулах тэмцээн”

-Аялал жуулчлалын салбарт ажиллах сонирхолтой оюутан залуус, идэвхтэй ажил хайгч иргэдийг түр болон байнгын ажлын байртай болох нөхцөлөөр хангах, аялал жуулчлалын байгууллагуудад шаардлагатай байгаа мэргэжлийн ажилтнаа олоход нь дэмжлэг үзүүлэх, ажил олгогч, ажил хайгч иргэдийг холбох зорилгоор “Аялал жуулчлал ба ажил эрхлэлт” хөдөлмөрийн яармаг

“Зочлох үйлчилгээний салбарын цахим шилжилт” хэлэлцүүлэг зэрэг арга хэмжээ зохион байгуулагдах юм.

Мөн арга хэмжээний үеэр:

- Мэргэжлийн тогооч нарын BATTLE /багийн халз тэмцээн/

- Бартендерийн үзүүлбэр /BARMONEY/

- Урлагийн тоглолт зохион байгуулагдана.

Иймд тус арга арга хэмжээнд хүрэлцэн ирж сонирхохыг урьж байна.

Холбогдох мэдээллийг Нийслэлийн Аялал жуулчлалын газрын 70148687 утас, ubtourism@gmail.com/ цахим хаягаар авна уу.

НИЙСЛЭЛИЙН АЯЛАЛ ЖУУЛЧЛАЛЫН ГАЗАР