ЭМЯ-наас 5-р сарын 01-нээс орон даяар эхлэх "Эрт илрүүлэг, урьдчилан сэргийлэх" үзлэгтэй холбоотой мэдээлэл хийлээ.
ЭМДЕГ-ын дарга Л.Бямбасүрэн "Эрүүл мэндийн даатгалын тухай хуульд Монгол Улсын иргэн учирч болзошгүй санхүүгийн эрсдэлээ хуваалцах зорилгоор эрүүл мэндийн албан журмын даатгалд заавал даатгуулна гэж заасан байдаг. Хуульд заасны дагуу ажил хөдөлмөр эрхэлж байгаа иргэн, ажил олгогч нар хувь тэнцүү хэмжээгээр даатгал төлдөг. Тодорхой ажил хөдөлмөр эрхлээгүй буюу малчин, хуваариа хөдөлмөр эрхлэгч, оюутан залуус 2019 оноос хойш ЭМД-ын шимтгэлийг заавал төлсөн байх ёстой. Энэ нь тухайн үед мөрдөгдөж байгаа хөдөлмөрийн хөлсний нэг хувьтай тэнцэх дүн байдаг. Тодруулбал,
2019 онд 38400
2020 онд 50400
2021 онд 50400
2022 онд 50400 төгрөг буюу нийт 189600 төгрөгийг ЭМД-ын шимтгэлд төлсөн байх хэрэгтэй.
Судалгаа хийж үзэхэд малчин, хувиараа хөдөлмөр эрхлэгч, оюутан залуусын 46 хувь нь ЭМД-ын шимтгэлээ төлсөн байна" гэж мэдээллээ.
М.Насан
| Уншиж байна |