Улстөрч.мн сайтын сэтгүүлч Баянзүрх дүүргийн 4 дүгээр хорооны Засаг даргаас тодруулга мэдээлэл авчээ. Ингэхдээ мэргэжлийн бус алдаа гаргаж, түүний бичлэгийг цахим орчинд цацсан нь олон нийтийн шүүмжлэл дагуулаад байна. Тус мэдээллээс үүдэн Баянзүрх дүүргийн 4 дүгээр хорооны Засаг дарга ажлаасаа халагдсан гэх мэдээлэл олон нийтийн сүлжээнд цацагдаад байгаа юм. Гэхдээ уг мэдээлэл үнэн эсэх нь тодорхой болоогүй байна. 

Дээрх үйл явдалд  NICITON хамтлагийн ахлагч Б.Батчулуун  байр сууриа илэрхийлжээ.  Тэрбээр өөрийн цахим хуудаснаа "Хүн хүнээ хайрлая л даа. Ганц удаа гарч байж аятайхан гарая гээд чин сэтгэлээсээ эрмэлзээд байгаа бүсгүй хүнийг яаж байгаа юм бэ энэ сэтгүүлч.  Дараа тааралдвал засаг даргыг хацар дээр нь үнсэнэ ээ" гэж ээ.