УИХ-ын гишүүн Г.Амартүвшин гишүүний бүрэн эрхээсээ түдгэлзэх хүсэлтээ өгөөд буй. Харин түүний хүсэлтийг УИХ хэлэлцэх хууль эрхзүйн боломжгүй юм. Энэ талаар Г.Амартүвшин гишүүн "УИХ миний хүсэлтийг шийдвэрлэх боломжгүй бол прокурор миний нэрийг УИХ-д оруулаад ирээд санал хураалтаар асуудлыг шийдэх гарц байна. Би гишүүний бүрэн эрхийн ард нуугдахгүй, буруугүй гэдгээ нотолчихоод УИХ-ын гишүүний ажлаа үргэлжлүүлэн хийнэ. Миний ард Хан-Уул дүүргийн иргэд, 130 мянган сонгогчийн эрх ашиг байгаа учраас дураараа гишүүнээс татгалзаж болохгүй" гэсэн байр суурийг илэрхийллээ.