Улсын драмын эрдмийн театрын уран бүтээлчид энэ сарын дундуур орон нутгийг зорих аж. Тэд Дорноговь, Хэнтий, Сүхбаатар зэрэг аймагт тоглохоор төлөвлөжээ. Энэ удаад жүжигчид “Анна Каренина”,”Надтай үлдээч” жүжгийг тоглохоос гадна хүүхдийн жүжгийг орон нутгийн иргэддээ толилуулах юм байна.  

Оросын алдарт зохиолч Лев Николаевич Толстойн "Анна Каренина" сонгодог жүжиг 2020 оны 10 дугаар сарын 3-нд нээлтээ хийснээсээ хойш Соёл, урлагийн салбарын хэмжээнд хамгийн олон буюу нийт 60 удаа тоглогдож, 28 мянга гаруй үзэгч үзэж сонирхжээ.