АН-ын даргын сунгаа гэх хууль бус үйлдлийн талаар АН-ын Ерөнхийн нарийн бичгийн дарга Ч.Өнөрбаяр, АН-ын нарийн бичгийн дарга О.Баасанхүү нар мэдээлэл хийж байна.

АН-ын Ерөнхийн нарийн бичгийн дарга Ч.Өнөрбаяр “Өчигдөр Э.Бат-Үүл даргын гэр бүлтэй холбогдсон. Прокурорууд худлаа ярихаа боль. “Хяналт тавьж байгаа” гэсэн гоё үгтэй.  Та нар өрөөнөөсөө гар. Та нар хорих ангиудаар явж үз. Э.Бат-Үүл даргатай биечилж уулзсан юм уу.

Э.Бат-Үүл дарга прокурортой уулзах хүсэлт хэд хэдэн удаа гаргасан юм байна. Харамсалтай нь прокурорууд очиж уулзаагүй. Яагаад зугтаж байгаа юм. Та нар шударга бусаар ял өгсөндөө айсандаа очиж чадахгүй байгаа юм уу. Очоод уулз. Ёс зүйтэй бай. Та нарыг хараад хуулийн сургуульд сурч байгаа оюутнууд ичиж байгаа шүү. Үндсэн хуулиар олгогдсон халдашгүй эрх шүү. Та нар шиг эвэртэн туурайтан хязгаарладаггүй шүү" гэв. 

М.Насан