АТГ-аас Хөгжлийн банкны чанаргүй, хугацаа хэтэрсэн 52 зээлийг мөрдөн шалгаж байна. Мөрдөн шалгах ажиллагааны хүрээнд зээлдэгчдийн 186 үл хөдлөх хөрөнгө, 124 тээврийн хэрэгсэл, 1 үйлдвэрийн барилга, 1 лиценз, 13 дансыг битүүмжилж, захиран зарцуулах эрхийг нь хязгаарлажээ. Тухайлбал, УИХ-ын гишүүн асан Б.Ундармаагийн хамаарал бүхий этгээдийн барьсан Гантиг вилла хотхонд хязгаарлалт тогтоосон  байна. Учир нь Гантиг вилла хотхоны 9 блок барилга нь Хөгжлийн банкны барьцаанд байгаа аж.

Тиймээс иргэдэд хөдлөх болон үл хөдлөх хөрөнгө худалдан авахдаа эх үүсвэр, бүртгэлийн маргаантай эсэх, санхүүгийн байгууллагад барьцаанд байгаа эсэх, хуулийн байгууллагын хязгаарлалтад орсон эсэхийг сайтар нягтлахыг АТГ-аас анхааруулж байна.

Б.Хэрлэн