“Гайхамшигт өв соёл-Монгол уран хатгамал” үзэсгэлэн өнөөдөр Богд Хааны ордон музейд нээгдлээ. Мандчирын Наран ТББ-аас санаачлан дөрөв дэх жилдээ зохион байгуулж буй тус үзэсгэлэнд XIX зууны сүүл XX зууны эхэн үеийн зээгт наамал бурхад, таван өнгийн утастай зоосон ширээний сүлжмэл бүхий дамрын манжлага зэрэг нарийн хийцтэй бүтээлүүд дэлгэгдлээ.

Мөн ардын зураач Ү.Ядамсүрэнгийн эх зургаар гэргий Я.Люня нь урласан зээгт наамал бурхад үзэсгэлэнгийн хойморт заларчээ.

Энэ үзэсгэлэнгээс 2021 оны Хаан, Хатан бүтээлийн эзэд тодорно. Үзэсгэлэн энэ сарын 28 хүртэл үргэлжилнэ.