Төрийн албаны тухай хуулийн 56 дугаар зүйлд “Төрийн үйлчилгээний чанар, хүртээмж, үр нөлөөнд олон нийтийн хяналт тавих чиг үүргийг Олон нийтийн хяналтын зөвлөл гүйцэтгэнэ. Зөвлөлийг сонгон шалгаруулах, олон нийтийн хяналтыг хэрэгжүүлэх, зөвлөлийн ажиллах дүрмийг төрийн албаны төв байгууллага батална” гэж заасны дагуу Төрийн албаны зөвлөлийн хурлаар “Олон нийтийн хяналтын зөвлөлийн дүрэм”-ийн төслийг хэлэлцэн баталлаа.

Олон нийтийн хяналтын зөвлөл нь төрийн үйлчилгээний чанар, хүртээмж, үр нөлөөнд тавих хяналтыг судалгаа, үнэлгээний арга хэлбэрээр хийж, энэ талаарх бодит мэдээллээр Төрийн албаны зөвлөлийг хангах чиг үүрэгтэй ажиллах юм.

Олон нийтийн хяналтын зөвлөлийн чиг үүрэг, үйл ажиллагааны зарчим, зохион байгуулалт, дарга, гишүүний эрх үүрэг зэрэг асуудлыг цогцоор нь журамласан байна.

Эх сурвалж: ТАЗ